◤一煲4食 新式啫啫雞煲◢ ‧【❤ 金啫の鍋】

自助餐放題食得多 偶爾都想來一點港式化

最近天氣雖熱 不過無損想去打邊爐既心情

最近旺角新開既食店都唔少 收工後相約妹妹去旺角搵食

網遊時搵到呢間金啫の鍋 有雞煲之餘仲可以打邊爐 岩晒中意一煲幾食既朋友仔

唔講唔知 原來佢係倫哥旗下既雞煲火鍋 質素自然有保證

雖然舖唔算大 不過勝在坐位間都算有空間 出入都唔會撞到隔離枱

先來啫啫雞煲 上枱後店員會幫你不停翻炒 炒得香噴噴熱哄哄

雞肉炒至微微金黃 香口鮮嫩 食落有好重既花椒八角芫茜香 惹味濃郁 

食得咁上下 店員就會幫你整海鮮啫啫煲

將開頭上枱送上既大蝦、鮑魚同蟶子 連帶摸蜆得來既蜆 加上黃酒一併炒

酒味香濃 蜆肉頗新鮮 雖然唔算大隻厚肉不過爽口鮮甜 可是略嫌有些少沙

店員早就預備好烏冬同肥牛 食完海鮮 就開始炒肥牛烏冬

n_cc還是第一次食用啫啫雞煲來炒烏冬

肥牛炒得剛好 入口滑嫩 烏冬吸收晒雞煲汁精華 味道鮮濃惹味

不過就是有點難夾 而且都略帶點沙

最後就是打邊爐 湯底就有3款可以選 有豬骨、蕃茄同老壇酸菜湯

食過濃味既啫啫煲 就來一煲豬骨湯清淡一下

奶白色既豬骨濃湯 味道香濃

舖內共有60多款材料可供選擇 自助形式 乾淨同企理有各式肉類丸類蔬菜類 花多眼亂

  

食材大多都新鮮 流量快 店員亦refill得好快手

飲品類別就唔算多 以汽水果汁為主 亦有自家煲既薏米檸檬水

雖然是上樓舖 不過食落就十足似大排檔風味

不過限時兩小時就要走 想食得滿足就要好好安排下時間

金啫の鍋

油麻地彌敦道558-560號譽發廣場7樓

就此，謝謝喔~

Blog link: http://natnataliecc.blogspot.com/

Email: natalie_911999@yahoo.com.hk

https://www.facebook.com/natalieccdevoyages/