◤抵食熱石燒◢ ‧【❤ 堅石燒】

最近真的有不少新食店進駐旺角 不過本來旺角就多食店選擇
依家又多個新選擇 喜歡熱石燒既朋友就真的唔可以錯過了

剛開幕既堅石燒 餐廳面積非常寬敞 絕對坐得舒服唔迫夾
望望餐牌 石燒扒餐都只係$78起就有交易


場內裝潢頗有韓系感覺 不論佈置以致色調
牆上更有不少可愛壁畫 很有藝術感覺
為防食客不懂使用熱石 餐廳早就放置左熱石說明
一睇就會明白 即使係第一次去都唔會弄得笨手笨腳
而且旁邊放置左岩鹽同黑胡椒 方便客人自行調味

此外餐廳亦非常貼心 早早預備左即棄圍裙 以防油煙會弄污衣物
 餐廳入門口位設有小食吧 有沙律、飯麵、餐湯、冷熱飲品等
平時收費每位$30 不過新張期內都是免費 統統任飲任吃
連醬料都可以自選架 單是醬料都有4款可選
沙律非常衛生 用獨立玻璃樽保存放入雪櫃 保持新鮮度

口感爽脆清甜 喜歡的可自行加入醬汁 又是另一番風味

泡菜湯 湯料足 辣度適中 味道帶點酸酸地 非常開胃 
推介蒜蓉牛油意粉 滿有蒜蓉香氣 
食落帶點淡淡牛油味道 拍得上某大集團既蒜蓉意粉
呢度既冷熱飲品都不算少 除左有冷熱清水 仲有Lipton茶包供應

一般普通汽水都有 意外地連梳打水都有提供 
澳洲和牛西冷200g
上枱時餐廳已經煎封左兩邊 
只需放上熱石上再微燒至自己喜愛程度就可以了
肉質厚實 燒起來油香細膩 香氣十足 非常吸引

肉質實在一點都不差 軟腍度剛好
入口鬆化 牛肉味香濃嫩滑多汁不過唔會感到油膩 
韓式厚切鰻魚飯
鰻魚果真厚身大件 入口啖啖肉 而且沒有橫骨
燒過後既鰻魚 味道香濃肉質嫩滑帶爽
鰻魚醬汁調得不錯 味道不會過咸但略帶一點甜 提升鰻魚鮮味
混入醬料後成了鰻魚拌飯 別有一番風味
韓式雞球
雞肉肉質軟腍入味 醬汁甜甜地帶點微辣 
開胃之餘亦非常惹味用來佐飯實在一流
食飽如果嫌油煙氣味太濃烈 可以試試店內呢部新玩意
只需入去數秒 即時幫你清除身上難聞油煙異味 非常貼心
堅石燒
旺角彌敦道565-567號銀座廣場LG樓

就此，謝謝喔~
Email: natalie_911999@yahoo.com.hk

留言

張貼留言

熱門文章