◤滿滿德州風味◢ ‧【❤ Texas Burger】
難得忙裡偷閒 當然要食好西輕鬆一下
相約飯腳去旺角朗豪坊走一轉
其實最近朗豪坊有不少新面孔 不多不少都感覺新鮮
位於天后既人氣小店Texas Burger早前就登陸旺角朗豪坊 以頂層自成一角
半開放式設計 以霓虹燈做裝飾 設有獨特風格卡式座位
雖然坐位不多 不過勝在裝潢夠別緻 打咭影相一流
而且Texas Burger正位於Live Stage旁邊 如果遇上Band Show
一邊食Burger一邊觀賞樂隊表演 彷如置身戶外音樂節 感覺好Chill架
餐牌食物大致可分沙律、小食、漢堡意粉同特色飲品 種類也頗多
來這裡當然要試試德州漢堡 另外也點了小食同飲品 每人百多元 價錢算公道
藍芝士牛肉漢堡SET
全手工製成 賣相吸引 絕對是打卡之選
漢堡包質感軟熟得來帶點焦香 香脆煙韌 包內更塗上牛油 令包外層味道更香濃
加上剛烤過既藍芝士 芝香濃郁 增添了鹹香惹味感
牛肉厚身大件 煎至medium rare肉質軟腍
啖啖肉之餘仲非常juicy 牛味香濃唔膩 充滿肉汁同油香
漢堡仲墊有生菜、炸洋蔥圈及特製醬汁 食落味道層次非常豐富
跟SET仲配有薯條同酸青瓜 酸青瓜酸香爽脆
剛好可以中和一下薯條及漢堡既濃味
墨西哥芝士軟皮夾餅 (燒烤手撕豚肉/煎牛柳條)
夾餅可以選脆皮或軟皮 跟飯腳同樣選了軟皮
雖然少了香脆可口既口感 不過換來柔韌軟熟 整體味道更夾更突出
餡料十足 手撕豚肉味道惹味香濃 入口鬆化
配上特製墨西哥風味既辣椒Salsa醬、牛油果醬、酸忌廉及青蕃茄 味道層次就更為豐富
煎牛柳條同樣餡料足絕無欺場 牛柳條意外地入口肉味濃厚
肉質細軟 肉汁豐富 賣相味道同樣一流
招牌芋香奶昔拼窩夫
賣相吸睛誘人 打咭影相一流
奶昔頂層放著兩件窩夫 不過略嫌窩夫口感過煙韌 不太討好
奶昔味道香甜質感creamy 飲落有淡淡芋香 女生定必喜愛
熱洋甘菊茶
雖然只是普通洋甘菊茶包 不過用上Twinings品牌
滿滿洋甘菊氣息 飲落清清地 作為食完漢堡既總結 解膩消滯
Texas Burger
旺角亞皆老街8號朗豪坊12樓1A號舖
就此，謝謝喔~
Blog link: http://natnataliecc.blogspot.com/
Email: natalie_911999@yahoo.com.hk
留言
張貼留言