◤新素食主義◢ ‧【❤ Green Common】
不論是因為健康理由或是為了環保 近年素食愈來愈多人關注
坊間亦多了好多以素食主打既主題餐廳
Green Common可以說是其中一間
早年剛開張時 慕名而來既人實在不少
熱潮減退了 最近就相約同樣愛素食既飯腳去試個究竟
Green Common有好幾間分店 芸芸分店選了尖沙咀海港城分店
地點便利易搵 當日人數也不算特別多 不需要等枱就已經可以就座
Green Common跟一般傳統齋菜館形象不同 店鋪光亮整潔
一邊廂賣健康食品 另一邊就是餐飲服務
菜式不多也不算少 口味橫跨中西 形式輕快
部分菜式更用了新豬肉 不單款式特別口感都同樣無得輸
來到Green Common點可以唔試burger漢堡包
呢個未來漢堡用上新豬肉 口感極豐富
質感極似真牛肉 肉扒厚身肉嫩多汁帶彈性
加上烘烤出來既漢堡麵包同蕃茄火箭菜
跟真的漢堡有得比之餘仲多了份豪氣
雖然少了蔥蒜 不過多了松露醬 層次感更豐盛
令人食得滋味食得更健康
薯條大大條 口感足 坊間的即時比下去
呢個漢堡確實不錯 不論是外型就連香味都可以像真度相近 真的好有驚喜
點七色藜麥超級碗
全因為顏色美美而且因為是藜麥
近年愈吃愈素 不知不覺間已經對食肉並沒有特別大興趣了
七色藜麥口感非常豐富 嚼勁十足 少一點牙力都不行
混上柚子醬汁即時將平平無味既藜麥帶出味道來
除了藜麥仲有粟米紅腰豆 食落營養十足 一整碗除了健康都是健康
新豬肉椰菜煎餃
再平凡不過既餃子
食落味道清淡 雖然是煎餃不過油份不重食落唔算油膩
外皮厚薄適中 以新豬肉混上菇粒作餡 肉質有彈性 食落還以為自己在吃真餃子
就是略嫌唔夠香脆可口 火喉未到
本以為只得I記才可以食到既肉丸 原來Green Common都有類似
茄醬肉丸
不論是外形甚至味道都跟坊間I記食到的沒有大分別
茄味濃 肉丸實在有口感 而且肉味豐厚多汁 只得4粒實在唔夠喉
Green Common以套餐形式購買 加錢可以配蔬菜沙律或飲品
跟飯腳一人一支冷壓果汁
冷壓果汁乃自家制作品 輕盈健康 無加防腐劑 口感新鮮挺不錯的
羽衣甘藍菠菜檸檬蘋果 味道帶有滿滿青草氣息
檸檬味重 蘋果既香甜完全比遮蓋
香橙西柚蘋果蔓越莓 味道甜甜帶點西柚酸 喜歡果汁人士必定愛上
其實素食不單健康仲可以好好吃 想清淡人士一試無妨
Green Common
尖沙咀廣東道3-27
就此，謝謝喔~
Blog link: http://natnataliecc.blogspot.com/
Email: natalie_911999@yahoo.com.hk
留言
張貼留言