◤三五知己聚舊飯局之選◢ ‧【❤ 湘川滬】


早前同好友食過湘川菜館湘川滬 真心覺得唔錯
於是年尾團年飯同好友一於再度encore

六點多人流不算特別多
被安排到卡位 算是坐得舒服自在
除左卡位座 餐廳中央位置其實仲有圓枱 方便大夥眾聚餐

望望餐牌 跟午餐的又有點不一樣
晚市除左小菜、主食、湯品仲有甜品 樣樣都頗吸引
唔想散叫 仲有套餐可以選擇
雖然選擇不多 不過內涵頗養眼

鎮江肴肉+醬汁牛肉


切成條狀既肴肉肉色鮮紅 皮色晶瑩 滷凍透明 入口香味醇厚
醬汁牛肉說清了就牛展 入口軟腍細滑
雖然不能說香醇濃郁 但味道仍算不錯

花膠螺頭燉湯 / 鮮人參蟲草花燉排骨湯


花膠可以養膚美顏 螺頭滋陰補腎
所以燉湯味道鮮味可口 清甜濃郁 非常滋補
鮮人參益氣 蟲草花扶氣補腎益虛損
燉湯雖然呈暗黑色 不過味道鮮甜可口 火喉十足



醬炒年糕軟殼蟹

剛好是軟殼蟹時令季節 以軟殼蟹來說蟹肉尚算肥美

外皮酥炸後再混合惹味醬汁炒 食落鹹香十足 非常開胃美味
年糕唔會太硬 軟硬度適中 食落煙韌軟腍有咬口
年糕質感香糯 充分吸收蟹肉鮮美同醬汁濃香

口感層次即時豐富起來 令人一吃回味


糖醋排骨
排骨外表呈金黃色 外層香酥內裡細軟
肉質感好嫩 不會過澀、過肥 吃起來尚算彈牙
醬汁調得酸中帶點甜 味道剛好不會太過

桂花糕 / 椰汁糕
清淡桂花香 食落唔算特別甜 清新美味不膩
充滿椰香 口感比吃mousse挺身一點 甜而不膩

黃金流心奶黃高力
鹹蛋香氣馥郁香濃 配以質感軟綿綿既高力外層 令人一咬難忘
內裡是熱烘烘流心奶黃餡料 味道香甜
作為晚飯終結實為不過



湘川滬

粉嶺新運路33號粉嶺中心1樓212A號舖

就此，謝謝喔~
Email: natalie_911999@yahoo.com.hk

留言

張貼留言

熱門文章