◤不一樣的樓上Cafe◢ ‧【❤ Urban Cafe】

雖然疫情未算安穩 相比每日過百單來說現在算是受控吧
早陣子為左減低感染 外出用膳可免則免
不過難得外出相約飯腳 於是選了樓上cafe 貪其選擇多
網遊時看到不少網友介紹呢間人氣cafe
又得玩又有得食 於是同飯腳相約一試究竟

未夠7點已經差不多坐了過半人數 的確人氣度極高
其實環觀四周 空間感不算高 甚至有點擠
除了是客人多 原來餐廳內貓咪也多 令人頗意外
望望餐牌 選擇真不少 而且款式也多
雖然二人套餐是挺合胃口 不過還是想自由隨心點

南瓜湯
聽說是餐廳自家製作
呈金黃色 顏色亮麗飽滿
質感濃厚柔滑 味道香甜 食落非常creamy
隱約仲會食到絲絲南瓜 真材實料

金文不芝士挪威煙三文魚意大利黑醋沙律
整體份量不算少 煙三文魚大件新鮮 入口嫩滑
金文不芝士粒軟腍煙韌 味道略帶清淡 食落唔會太咸
配上新鮮爽脆既沙律菜 口感清新特別
再混合酸酸甜甜既黑醋 作開胃前菜實為不錯

新西蘭露絲瑪莉羊前膝 配黑松露燒汁 跟薯菜
份量十足既羊前膝 大大隻 賣相非常不俗
意外地羊膝煮得軟腍入味 輕輕一切已經骨肉分離
不單入口羊羶味不會太重 配合燒汁味道仲好夾 亦完全沒有違和感
唯獨是黑松露味道不算突出 有點小失望
薯角炸得香口酥脆 即使不沾茄汁都覺好味

西班牙紅蝦東瀛蟹籽墨汁扁意粉
上枱熱烘烘 擺碟賣相亦同樣不錯
紅蝦大隻而且新鮮 肉質爽甜鮮美 相比一般海蝦味道更濃厚帶鮮
紅蝦上既蟹籽入口甘香 配合扁意粉一併吃別有一番風味
墨汁意粉煮得剛不會太硬太軟 口感彈牙煙韌 帶少許蛋香
整體味道不錯 意外地出色

藍花皇家伯爵荔枝紅茶
藍色錦葵花顏色鮮豔 配合略帶有輕微剌激既紅茶
即時為整壺茶增添了一份皇家氣息
為左減低茶中既辛辣感 餐廳特意加入荔枝肉
增加點點甜度 令茶更易於入口
若嫌甜味不夠 更可自行添加蜜糖
味道即時又有點不一樣了
即使不愛品茶的亦可放心一試

Urban Cafe
旺角彌敦道566-568A號僑建大廈2樓

就此,謝謝喔~
Email: natalie_911999@yahoo.com.hk

留言

熱門文章