◤抵食火鍋放題◢ ‧【❤ 二窩頭(尖沙咀)】

平日工作忙碌 有時甚至要加班
想放工後相約好友飯聚都有點難
放假假日最好就係相約友人飲飲食食
好幾年前曾經係旺角食過二窩頭
知道近年係尖沙咀開左分店 急不及待相約友人去試下


相比旺角分店 尖沙咀分店樓上雅座更為寬敞舒適
座位空間感充裕 出入取食更方便
主打120分鐘任食火鍋放題
可以先任食豬手煲、惹味雞煲或者火焰牛尾煲
隨後就可以自選湯底開始打邊爐

呢度既火焰牛尾煲係全港首推
之前食極都係雞煲 今次終於可以試下新野
話明火焰牛尾煲 當然少不了上枱時有點兒小啅頭
不過可惜我miss左 但友人睇得開心興奮
牛尾煲香氣四溢 食落好惹味之餘零膻味
仲要牛尾大大舊 肉質炆得腍滑又夠入味
用黎佐飯真係一流
黑椒豬手食落唔會太腍但又唔會太硬
略嫌黑椒味唔夠味唔算太濃烈

食夠牛尾煲豬手煲或者雞煲就可以開始打邊爐
今次既湯底亦係全港首推既滋補鷓鴣湯
湯底有五指毛桃、蟲草花、鮮淮山紅棗仲有其他滋補藥材
足料鮮味 飲落清香鮮甜

今次選了任食安格斯牛 肉類非常豐富
基本上豬牛羊雞魚都齊全 
有美國牛胸腹、安格斯牛板腱同封門柳
個人幾中意牛板腱 牛味濃郁同埋肉質嫩滑
幾推介鮮滑牛 入口嫩滑有咬口 最重要係新鮮鮮味
仲有紐西蘭羊卷肉 同埋西班牙豬梅肉、豬頸肉
仲有海鮮類都不乏選擇
有爽脆花枝片 扇貝、白鱔片同海活蝦
蝦肉大隻而且爽脆 吃得到鮮甜味
花枝片口感爽脆 扇貝大粒彈牙





現場仲有大量由台灣運到既特色丸子類同菜類
仲有雲吞水餃魚皮餃 炸魚皮 烏冬公仔麵
難得是仲有部分內臟都可以點叫

除左任食當然有任飲
有罐裝支裝飲品 有汽水有茶仲有健康飲品
當然少不了啤酒

最後當然要食埋甜品先夠滿足
呢度既雪糕雪條 坊間比較少見到
試左椰子香芋味雪條
食落唔會太甜 而且有淡淡椰子香甜味
唔係人工造既死甜味道 推介試試


二鍋頭(嘉芙中心) 
尖沙咀漆咸道南53-55號嘉芙中心1樓

就此，謝謝喔~
Email: natalie_911999@yahoo.com.hk

留言

張貼留言

熱門文章