◤誠意隱世中菜小店◢ ‧【❤ 三門仔漁夫火鍋點心專門店】

最近都愛四出尋找一些隱世中菜館

經家住葵涌既朋友介紹下 同飯腳去試試呢間名字頗特別既中菜館

三門仔漁夫火鍋點心專門店位於葵涌住宅及工業區之間 地點確實有點偏遠

時間尚早 雖然無訂枱都可以入座完全唔洗等

店內裝潢頗為特別 有不少香港特色擺設之餘 仲有一幅以漁民捕魚的海上風光畫

天氣開始熱 打邊爐有點上火 所以選擇食特色小菜

雖然唔算肚餓 不過都同飯腳點了好幾款小菜

話妹涼瓜片 涼瓜片是涼食 爽口開胃 巧妙地用上話妹既甜酸味遮蓋涼瓜既甘苦味

味道甘甘甜甜又帶點酸滿滿話妹味  用來作下酒菜更是一流

黃金南瓜條 南瓜香甜 混上蛋黃 甜中帶點醎香

意想不到的稔熟好食 更意想不到南瓜可以咁整

彩椒炒蕃薯蜆+煎米粉底 蕃薯蜆肉質鮮甜肥美 拼上彩椒令整碟餸更添色彩

加左煎米粉底 煎至餅形一開八件 熱食時餅邊香脆 好好食

中間部分米粉吸收左豉椒汁 食落唔會太乾又有層次 呢個拼法無得輸

蒜香牛柳粒 牛柳粒蒜香惹味 鑊氣夠

牛味香濃 食落香軟細滑可口 肉汁豐富而且唔油膩

日式木月花燒倉魚 魚皮燒得微焦香脆 魚肉嫩滑唔鞋口

倉魚好新鮮所以入口鮮美唔腥 配上沙拉醬同木月一併食
有獨特口感之餘味道更有層次南瓜西米露 味道細滑有質感 食落啖啖南瓜絲同南瓜蓉 製作用心

呢間三門仔漁夫火鍋點心專門店絕對係誠意小店

偶而路過屋邨一試有驚喜

三門仔漁夫火鍋點心專門店葵涌石籬大隴街107號至109號昌榮樓地下3號舖

就此，謝謝喔~

Blog link: http://natnataliecc.blogspot.com/

Email: natalie_911999@yahoo.com.hk

https://www.facebook.com/natalieccdevoyages/