◤滋味上海菜◢ ‧【❤ 上海姥姥】

難得偷得浮生半日閒 於是同兩老去沙田走走
未開動逛街前 當然要搵個地方先填一填肚才有氣力吧
剛好正想吃中菜 選了鄰近火車站既上海姥姥

舖面不算特別大 除了主舖 商場內還有一小部份都是食店
不過就有叫天不應叫地不聞既感覺
連點餐都需要自助手動 實在有夠不方便
還好我們被安排在內就坐 不安感頓時消除
望望餐牌 種類選擇不少 部分有圖可供食客參考 還是貼心

雞絲粉皮
涼拌小吃 賣相及份量不過不失
雞絲不會太大條 食落唔會鞋口 口感不錯
青瓜絲切得幼細 咬落爽脆清新
粉皮處理得軟腍剛好 爽口彈牙
拌上香滑既秘製麻醬 滑進口啖啖滋味無窮 別有一番風味

香煎素鵝
上枱賣相不算特別好 而且份量亦不算多
不過勝在餡料不少 食落惹味調味不錯
腐皮煎得非常香脆 外脆內軟 而且食落亦唔算油膩
配合好有口感既素餡料 兩者層次分明
每一口都有兩種不同口感感受 色香味俱全

招牌小籠包
上枱熱烘烘 香氣迫人
整得外觀精緻 稱不上皮薄 不過餡料不小
湯汁鮮甜味美亦不算油膩 肉餡不算肉汁豐富 不過食落亦未有感到乾
雖然唔算惹味 不過以集團式來說算是不差

姥姥手製排骨拉麵
拉麵以人手製作 食落Q彈煙韌之中帶點爽口
湯底鮮味不會過份死咸 飲落是清爽質感
排骨是新鮮即炸 炸至香酥脆口
不過略嫌炸得有點過火 以致肉質有點偏乾 口感有點欠奉

老上海炒飯
新鮮即點即炒 炒飯粒粒分明不會糊口
不過就不算乾身而且略嫌有點油膩
飯粒有軟糯感 軟而不爛
調味不錯即使加了炸菜也不會過份死咸
肉碎配上肉鬆同炸菜 令炒飯口感層次變得豐富 食落非常滋味

上海姥姥
沙田沙田車站圍1號Citylink 1樓101號舖

就此，謝謝喔~
Email: natalie_911999@yahoo.com.hk

留言

張貼留言

熱門文章