◤精緻西瓜特色菜式◢ ‧【❤ Oasis Grill & Bar】

一向是酒吧芸芸既諾士佛臺 每晚都非常熱鬧多人
即使想同朋友摸一下酒杯底 傾傾計談談心都有點困難

最近朋友就介紹樓上有間私隱度極高既高質西餐廳

裝潢好有文青風格 以植物為題 用雀鳥為燈 滿有感覺的
餐廳空間感極佳 不論燈光情調都非常之好 好岩三五知己靜靜把酒談心


望望餐牌 選擇種類不算少
沙律、餐湯、小食、前菜、肉扒...滿吸引人的

西班牙燒豬腩伴西瓜三文治

以西瓜做主題既菜式 挺有特色亦頗有趣
豬腩肉跟西瓜刻意相隔 賣相精緻美觀
腩肉烤至外皮有點帶脆 入口味濃 咬落鹹香可口
烤過既西瓜片保留多汁清甜原貌 入口口感清爽
兩者夾住一起剛好中和了腩肉既油膩感 
配合熱情果醬同吃 味道甜酸好清新 好有夏天感覺

西班牙風乾火腿拼盤

火腿切得薄身 肉跟油脂連帶一起 
兩款火腿風味不同 口感極佳
一款味道較為濃郁帶鹹口甘香
而另一款則較為淡口 不過入口同樣甘香味美
配上周邊既小巧餅乾以及淡口乾果 更能突出火腿既鹹香感 風味更好

菠菜芝士意大利雲吞伴蕃茄芝士汁 菠菜泡沫

雲吞厚實大隻 咬口實在不錯
芝士味道非常濃厚 原以為吃著會非常膩
大概是底層有著帶點酸甜既蕃茄汁
剛好中和芝士既油膩感 反而有點開胃感

炭燒西班牙栗詞豬胺伴時令蔬菜 焦糖蘋果蓉

豬胺炭燒得剛好 雖然大隻厚身 不過入口肉質仍然帶軟腍嫩滑質感
除左帶有焦香炭燒感 肉汁跟油脂交集既味道香濃豐腴 更是令人回味

沾上配好既燒汁醬汁以及帶焦糖香既蘋果蓉 
不單提升單一口感 味覺層次更為豐富

Dirty Affogato

一杯近乎是甜品既飲品
以帶點酸既意大利濃縮咖啡作為基底 跟多款帶焦糖香甜既咖啡酒混合
濃厚既咖啡口感 甜絲絲既焦糖配上香甜既雲尼拿雪糕
兩者結合從來都是經典既口味二重奏
兩味交替 每一口都是享受 已經夠令人滿心歡喜了

Eden Garden

以香甜可口既蘋果汁跟帶點甜酸既接骨木花作為基底
拼上有氣梳打水跟清新薄荷葉 飲落味道跟Mojito有丁點相近
但接骨木花味突出 酸甜口感就更出眾
不過唯一不一樣是Eden Garden並不帶上任何酒精成分
感覺也比較健康點



Oasis Grill & Bar
尖沙咀諾士佛臺1號8樓

就此，謝謝喔~

Blog link: http://natnataliecc.blogspot.com/

Email: natalie_911999@yahoo.com.hk

https://www.facebook.com/natalieccdevoyages/