◤精緻新派潮州菜◢ ‧【❤ 餸記潮食】
媽媽一向喜歡品嚐不同派系中菜
早陣子疫情略為緩和時 都有不時同媽媽外出搵食
朋友見此 介紹左間隱世新派潮州菜館去試試
呢間位大坑華倫街既餸記潮食 是新派潮州菜館
主打潮式凍魚、潮滷拼盤以及潮式粥粉麵飯
店內裝潢簡單但雅致舒服 座位間寬敞空間感十足
真係好適合一家大小去
精品六宮格
賣相精緻既六宮格前菜 最岩影相打咭呃like
肉鬆豆腐 清淡滑溜帶嫩 食落豆味濃郁 添加肉鬆口感頓時滿有咸香
皮蛋 食落唔會死鹹 反而帶甘香
涼拌木耳 口感爽脆清新帶酸
清酒秋葵 爽口帶點微微酒香
話梅車厘茄 已經去皮既車厘茄 食落酸酸甜甜非常入味
海蜇 食落爽脆帶辣 非常醒胃
艾雷威士忌鵝肝
鵝肝入口甘香軟滑 口感綿密細緻
配上威士忌 酒味唔太濃 食落有著淡淡酒香
不單有提鮮作用 仲將鵝肝本身既羶味減低 非常特別
秘製口水雞
雞既份量唔算少 雞肉唔會太肥太瘦 肥瘦剛好
配上自家製既秘製口水汁 椒麻中帶點微辣 味道香濃
加上蔥花同芝麻 令惹味更提升
皮爽肉嫩 食落唔算好重口味 是大眾香港人可接受程度
潮滷拼盤
三拼潮式滷水有鵝片肉、豬頭肉同豆腐
鵝片肉入味肉質帶嫩 豆腐味道濃淡剛好
沾上附設既香醋汁 味道更是一絕
豬頭肉爽口彈牙 味道同樣不錯 就是略嫌有點太肥
時令時蔬
油麥菜簡單加上蒜蓉已經炒得香氣滿滿
食落是香口清甜爽脆
簡簡單單就是好食
招牌鵝油拌麵
餐廳既招牌主打之一
鵝油加上醬汁混合 令每一條粗麵都香濃味美
意外地沒有想像中油膩 醬汁香濃惹味亦唔會一味死鹹
麵條彈牙帶點煙韌度 口感不錯 是個值得推介必試
餸記潮食
銅鑼灣大坑華倫街3號地舖
就此，謝謝喔~
Blog link: http://natnataliecc.blogspot.com/
Email: natalie_911999@yahoo.com.hk
留言
張貼留言