◤特色自創麻辣干鍋◢ ‧【❤ 辛手村】

疫情開始受控 可以無拘無束咁外出食飯就最開心
最近又開始網遊睇食評 見到呢間名叫辛手村好吸引

餐廳裝潢簡潔光亮 唔講會以為係西式cafe
但餐廳既不是cafe更不是西餐廳 而是主打食Fusion川菜既居酒屋
以木系傢具作主題 給人輕鬆休閒自在感
望望餐牌 除左傳統四川麻辣招牌干鍋 仲有創新口味麻辣黑松露
少不了當然仲有日式壽喜燒

沙茶麻辣干鍋
干鍋本身已經有娃娃菜、蓮藕片同薯仔絲
所以我地叫左五花肉、雞軟骨、廚師腸同金針菇
干鍋上枱香氣四溢 五花肉唔會太肥 薄片之中有咬口
雞軟骨脆口有嚼勁 整體份量都算大份 配料炒得麻辣鮮香

除左干鍋 仲有多款惹味串燒
日式燒鰻魚

燒得剛好 入口鮮嫩細滑 醬汁味濃 食落唔會腥

炸迷你紫薯(日本直送)
香甜味好唔在講 外脆內軟 細細粒一口一粒 很好吃

Juicy台灣腸
燒得皮脆肉香 肉汁豐富味好

天婦羅吉列炸蝦
炸粉不會太厚 蝦肉爽口彈牙

手打檸檬茶/荔枝烏龍冰茶
手打檸檬茶飲落味道相比傳統檸檬茶是偏淡口味
不過茶面有大量檸檬碎粒 口感層次相對豐富
味道亦帶酸甜酸甜 非常醒胃解膩
荔枝烏龍茶帶香甜荔枝味 飲落不會太甜
飲到中段更有濃厚茶味 用來解辣十分一流

值得一提是 餐廳每晚九點半後會調較燈光變成酒吧
有興趣不妨留意下

辛手村
旺角黑布街21號地舖

就此，謝謝喔~
Email: natalie_911999@yahoo.com.hk

留言

張貼留言

熱門文章