◤新派 清幽素食◢ ‧【❤ 雅 ‧悠蔬食】

初一十五茹素多時既n_cc 偶爾都會同友人四出尋找素食
不論是中菜印度菜又或是西式 各有特色
最近友人介紹試試呢間樓上新派素食 雅 ‧悠蔬食
餐廳位於尖沙咀 交通便利易搵
樓上舖 環境清雅幽靜 少了點繁囂
以白色同紫色作為舖面主要色調
帶點少女感覺之餘亦不失歐陸型格風格
除左三兩朋友小型聚會 仲可以一家大細來個家族聚會

望望餐牌 除左套餐仲有不同單點素食 選擇可真不少哦
前菜有 泰式香矛金柚鮮果沙律 同 四喜烤夫
鮮果金柚味道清甜 沙律口感清新
四喜烤夫係經典涼菜 鹹中帶甜 味道濃郁

香芒牛油果苜蓿芽手卷
香芒既清甜 拼上牛油果既濃郁奶油口感
再撞上苜蓿芽既脆嫩 整體口感清新爽口

周打黃耳桃膠忌廉濃湯
質感濃稠 用料十足
味道帶香濃奶油味 濃而不鹹 飲落口感豐富細滑

白松露美國蘆筍南瓜紫薯鮮豆包焗千層闊麵
上枱香氣四溢 外層焗至金黃色 賣相十分不俗
切開內裡 大有睇頭 餡料豐富有南瓜紫薯蘆筍仲有鮮豆包
味道是偏向濃郁但又不會太重口味
口感豐富之餘仲層次十足 非常滋味

小食拼盤
雖然是油炸食物 不過食落零油膩感
泰式如餅 貌似仿魚餅 質感有點單薄 略嫌欠缺一點厚度
腐皮卷 入口香酥可口 質感爽脆
沙嗲串燒 不論神態同形態都極似 味道亦有一點像真 好有質感同口感
酥炸蒟蒻 仿尤魚圈 味道清淡出奇地可口味好
吉列牛油果 帶點奶油creamy口感 內裡拼上紫菜 味道鹹香

桂花蜜汁素叉燒
以腐皮制作 不論是外形又或是味道都十分神似
外層帶點香脆內裡鬆軟 食落帶點淡淡桂花香
不過略嫌蜜汁少了點 令整體外觀相對乾了點

青檸百香果梳打
清新中帶點酸甜口感 作為解膩十分不錯

最後以泰式奶茶千層蛋糕作結
蛋糕入口creamy 奶油質感味道亦不會太甜
每一口充斥著淡淡奶茶香 令人意外驚喜

雅 ‧悠蔬食
尖沙咀金馬倫道48號中國保險大廈3樓B號舖

就此，謝謝喔~
Email: natalie_911999@yahoo.com.hk

留言

張貼留言

熱門文章