◤價錢親民 性價比高小店 ◢ ‧【❤ 九町屋】

相約差不多成年沒見既朋友見面加飯聚
朋友介紹呢間本來係北角 依家搬左黎九龍灣既小店 九町屋
九町屋位於九龍灣一個小型商場內
眼見大多都係附近街坊居民幫襯為多
餐廳舖面裝潢富有濃厚日本風
牆身仲有一大幅壁畫 日本味道就更濃
舖內座位都不算少 而且座位間亦算寬敞
望望餐牌 大多以主食同小食為多
而餐飲大多以優惠價加拼 不過價錢實惠

牛肉小火鍋
成個鍋裝滿各式各樣食材 份量十足
食材整體新鮮好食 配搭亦非常恰好
牛肉性價比很高 食落唔會多筋似橡膠般
朋友選了壽喜燒湯底 貪其味道濃厚
菇同菜食到最後可以吸盡壽喜燒湯底味道
好入味之餘仲好淋滑
隨鍋附送既白飯唔會太多水氣
食落軟硬剛好而且好有米香
總括而言 呢個價錢絕對係一流水準之選

鰻魚便當
便當份量不大亦不細 對於正在修身減食既n_cc來說是剛好
鰻魚不算薄有一定厚度 而且亦不算細小 餐廳好重本哦
醬汁惹味食落嫩滑無乜細小橫骨
配菜亦相當有驚喜 蘿蔔腍甜無渣
豆腐香酥 冬菇腍滑 小薯香甜軟糯
仲有玉子卷、中華沙律 同小甜品都甚有驚喜

燒牛舌 同 三文魚腩
牛舌燒得剛好唔會太乾 入口細嫩但多汁
三文魚燒得香脆可口 沾點檸檬汁同醬汁令魚肉更提鮮

黑糖奶茶 / 百香果紅茶
黑糖味濃 奶香滑順 是有點甜 不過黑糖味就是要夠甜
紅茶味香濃 同樣地百香果既果香氣亦非常香濃
飲落唔會太甜 茶味亦唔會太苦澀 非常不錯

九町屋
牛頭角道3號得寶商場地下123號舖

就此，謝謝喔~
Email: natalie_911999@yahoo.com.hk

留言

張貼留言

熱門文章