◤簡約風 小清新樓上cafe◢ ‧【❤ Groovy】

同朋友去好耐無去既港島區飯聚
今次搵到呢間位於銅鑼灣鬧市既樓上cafe小店
旺之中帶靜 好有小清新感覺
裝潢簡約舒適 整體感覺好relax




Groovy 主打西式料理及精緻咖啡
望望餐牌 可以單點亦有Dinner Set
Dinner Set內容頗豐富 除了主食仲包埋前菜餐湯甜品同餐飲
非常之性價比高

素菜雜果沙律
用上新鮮水果食材
帶點酸甜既藍莓、士多啤梨及多汁橙肉
配上小清新爽脆蔬菜
開胃醒神又健康

煙三魚他他
肉質帶嫩且滑 配以香橙肉紫洋蔥同蔥粒
不單令油膩感減低 味道清新之中有層次
仲非常醒胃開胃

粟米濃湯
質感濃稠厚身 口感香甜綿滑


慢煮安格斯封門柳配阿根庭青醬+炸薯條
封門柳肉質粉嫩 入口香軟 牛肉味濃郁豐富而且多汁
慢煮令牛肉質感入口更為細膩嫩滑軟腍
推介蒜頭及薯條 新鮮即炸 入口香脆帶點咸香
伴碟仲有小椰菜同紅蘿蔔 口感清新

炙燒北海道帶子配蒜香明太子扁意粉
帶子新鮮大件 表面經過高溫炙燒 所以入口外軟內嫩
意想不到 明太子大大塊 食落有海洋既獨特咸香味道
配以口感厚實既扁意粉 襯上惹味蒜香明太子
食落香滑之中有鹹香層次 非常好食

意式奶凍配雪糕
伯爵茶口味感覺很清新獨特
質感軟滑唔會太厚太硬 甜度剛好
配以雪糕口感更豐富味道更好

巴斯克芝士蛋糕
焦香既表層加上軟滑既濕潤綿密既質感
入口即溶 芝士味濃郁而且唔會太甜 非常出色

Mocha / 洋甘菊茶
滿滿啡咖香氣 當中滲出朱古力香甜 幼滑細緻
洋甘菊茶 令人心曠神怡 解膩消滯

Groovy
銅鑼灣富明街2-6號寶明大廈3樓C室

就此，謝謝喔~
Email: natalie_911999@yahoo.com.hk

留言

張貼留言

熱門文章