◤韓牛萬歲!◢ ‧【❤ 新麻蒲BBQ】

踏入12月 普天同慶既聖誕節又來喇

雖然每月都有在相約友人一同相聚食飯 不過都只是普通既家常便飯

難得12月當然要食好D 加上天氣又開始涼涼地 一於相約友人去食韓牛賀一賀聖誕節

 聚多韓國餐廳之中搵左呢間新麻蒲BBQ 係正銅鑼灣心臟地帶 交通方便便利

 新麻蒲地方寬敞座位舒適 一坐下就已經有職員送上水及前菜

 食韓國菜其中一個主要原因大概是因為喜歡餐前醃漬物

即使主菜未到都可以先食一下前菜填一下肚 又可以跟飯友閒聊一下

不得不讚是新麻蒲既前菜頗多而且仲可以無限添食

泡菜有著韓國阿珠媽味道 醃洋蔥爽脆唔辣口 

白蘿蔔雖然有著淡淡Wasabi味 不過味道獨特唔嗆喉 

青瓜芽菜配大醬更是醒胃之作 令本來味道木獨既青瓜同芽菜都變得味美可口

而海帶更是n_cc跟飯友既至愛 不知不覺間前菜都添食左一次

 連爐邊既蛋漿亦隨即備妥 只要一開爐就可以等熟透

 適逢聖誕節 店內亦提供韓冬主題二人節日套餐應一應節 內容頗吸引

包括有1+1濟洲韓牛、日本A5和牛以及西冷牛扒 配搭認真正 未食先興奮

 三款牛扒都各有150g 份量有番咁上下 而且油份分佈均勻

 只需每邊燒大概60秒左右就可以反轉再燒

燒韓牛當然少不了要配生菜 識食一定要咁食喇 加埋大醬洋蔥更是無得彈

 味道跟韓國本土食根本就是一樣好不好 肉質稔軟有嚼勁 牛味香濃而且肉汁豐富 一食停唔到口

西冷牛扒跟韓牛又是另一個層次 雖然肉質相比之下較為實在 不過牛味一樣濃厚

至於日本和牛 鮮嫩程度是三塊之首 油份少食落唔會覺得油膩 而且有種入口即溶既感覺

大概就是因為日本和牛吧

不過三塊之中還是最愛韓牛 始終牛味是最濃郁

 話咁快跟飯友就享受完 餘韻尤在 轉燒菇類蔬菜 燒菇同樣令人期待

 套餐仲包左兩杯肉桂蘋果茶 味道微甜唔膩 有啖啖既蘋果果肉 真材實料

 套餐仲包左一大杯薑餅人雜莓雪花冰 

韓燒後來一口 為熱哄哄既氣溫來個冷卻 亦為呢餐韓燒劃上句號

 呢餐以每人三百多元說實在是豐盛抵食 係節日之下食更是應節 

新麻蒲BBQ

銅鑼灣波斯富街24-30號寶漢大廈2樓

就此，謝謝喔~

Blog link: http://nataliecc.theztyle.com

Email: natalie_911999@yahoo.com.hk

https://www.facebook.com/natalieccdevoyages/