◤麻得夠瘋狂!◢ ‧【❤ 瘋狂小面】
最近都愛到港島區搵食 貪其美食夠多而且多元化 什麼樣式都有
加上最近天氣開始有點涼意 最岩吃辣
於是又是時候相約飯友一起出動尋辣之旅
之前search openrice時見到呢間名叫瘋狂小面已經好有興趣
好評不少加上有辣有唔辣仲有麻 實在值得去試一下
翻開餐單 美食唔算特別多 不過樣樣都好有特色
點了兩個套餐再多叫個招牌瘋狂缽缽雞 滿心期待
先飲杯熱羅漢果冬瓜茶暖一暖身 羅漢果茶不是第一次飲不過加埋冬瓜茶還是頭一次
飲落只有羅漢果味 不過勝在甜味不重 好岩食辣野襯住飲=P
廚師推介果真無錯 味道香濃麻味重 的確唔辣不過很麻
豌豆跟肉醬意外地很夾 食落口感豐富
除左干麵 點少得湯麵 呢碗白湯瘋狂牛肉麵雖然只係點左BB麻 不過麻味夠突出 麻得滋味
白湯湯底味道似胡椒湯 雖然跟牛肉麵不太相配 可是意外地味道很配
襯上香蔥芫茜香味迫人 牛肉鮮嫩唔鞋口 味道討好
瘋狂缽缽雞二人餐
選了熱食藤椒味 一上枱就已經有著濃烈既香料香氣
用上大量香脆白芝麻 整體味覺就更提升喇
缽缽雞一共有60串 素及葷各有30 雖然小小的 不過內容就好豐富
基本上飯友跟我每人都可以試到每款食材
有雞肉雞軟骨雞腎雞尖牛舌牛肚豬肚豬腰魷魚蝦...樣樣都好爽口彈牙
而且食材都浸上了一段時間 吸了湯的濃郁味道 所以口感就更麻
其實食了數10串左右咀已經麻到一個點 不過又欲罷不能 愈麻愈想繼續食
加錢試埋鐘水餃 造型有別於一般水餃 雖然辣味不算重
加埋蒜香 味道層次豐富 香滑之餘口感亦不俗
食過一輪麻辣 來一碗醪糟粉子及成都老冰粉解一解平和一下
醪糟粉子跟酒釀丸子有點類同 粉丸子口感嚥韌有咬口
加分是不會太甜 一食口中既麻辣即時紓緩左
成都老冰粉則是第一次接觸 配上芝麻、花生、提子乾、酒糟及山楂碎
微甜下有著淡淡咸香 口感多層次 加上質感Q彈冰凍 食埋成個人頓時好舒服
所有既麻同辣都完全消失
其實瘋狂小面仲有好多招牌菜 不過口只得一個
唯有留待下次同飯友再試
瘋狂小面
中環士丹利街66-72號佳德商業大廈1樓
就此，謝謝喔~
Blog link: http://nataliecc.theztyle.com
Email: natalie_911999@yahoo.com.hk
https://www.facebook.com/natalieccdevoyages/
留言
張貼留言