◤自家製 高CP高品質cafe◢ ‧【❤ AI forno Cafe & Bar】

特色cafe開到成行成市 想突圍而出都不是一件容易事
最近走過銅鑼灣某街頭 原來又有一間富工業風既特色cafe
AI forno Cafe & Bar主打手工薄餅、自家製牛角窩夫以及各款特色咖啡
餐廳裝潢走型格風路線 舖面不算得上大 不過仍有一定空間感
幸運地被安排坐在門外窗口位 打咭影相滿有氣氛的 實在一流

提拉米 拿鐵
賣相精緻而且貼題 絕對打咭之作
一杯既可以滿足飲品同甜品perfect match
杯上既手指餅 沾滿柔滑香甜奶油 食落香脆濃郁
浸濕食亦別有另一番風味
Latte口感順滑 咖啡味相對比較輕 甜度略高 喜甜者定必喜愛

伯爵茶熱情果水果茶
本來低調淡口既伯爵茶
搭上香氣四溢 酸酸甜甜既熱情果
即時提升其濃郁茶味 飲落清新潤喉而且帶點開胃

牛油果鮮蝦沙律
入口即溶既牛油果 配上帶清新口感既沙律菜 好味到不得了
牛油果既油香在舌頭中打轉 加上爽脆有咬口既大蝦
作為開胃前菜實在不俗

迷你蟹餅配蒜香蛋黃醬
蟹餅以小球造型擺盤 賣相是別緻可愛
以小量沙律菜伴碟 大概是幫忙中和一下煎炸物既熱氣吧
雖然是小球分量 不過亦絕不欺場
入口酥脆 全是滿滿香甜蟹肉 沾上少許檸檬汁
再配上味道低調但帶蒜香既蛋黃醬 即時滋味倍增 

鰻魚窩夫配炒蛋
鰻魚同炒蛋同時堆疊在窩夫上 賣相認真不得了
鰻魚味道突出 入口嫩滑惹味零腥味
配上濃厚既鰻魚醬汁同木魚碎 香氣更盛
炒蛋份量澎湃 夠厚又夠滑而且蛋味亦非常濃郁
搭拼熱爆既窩夫是有點新意思
窩夫帶有滿滿牛油香 食落仍帶點香脆煙韌

安格斯漢堡配蕃茄芝士酸青瓜脆煙肉
賣相別緻可愛 有別於一般漢堡
頂部既煙肉煎得香脆 同樣配上窩夫 外脆內酥而且牛油味濃郁
搭配酸青瓜 大概是可以將油膩感減輕吧
安格斯漢堡煎得剛好 食落肉汁滿滿
夾著半融芝士、新鮮蕃茄同爽脆生菜 口感層次豐富

墨魚汁意粉配帶子蟹肉/蟹籽
意粉帶有淡淡墨魚香味 口感煙韌中帶點彈牙
帶子表面帶點香脆 內裡嫩滑鮮味
搭配同樣鮮味十足既蟹肉同蟹籽
將整碟意粉既鮮味度更為提升

手工薄餅-始祖
呢度既手工薄餅是全人手製即叫即整
單是薄餅都已經有好幾款可選
薄餅雖然係薄批 不過批邊仍然整得煙韌
食落軟腍好有口感好有咬口
配上不多不少既肉粒同香腸
令薄餅味道變得更豐富

Tiramisu
招牌甜品 望落已經好吸引  實在令人歡喜
口感creamy之中帶奶油香
手指餅依然保持到乾身香脆
食落咖啡味同酒味淡淡地低調滲出
不論酒味同啡味都做得好平均
整體唔會有太甜太膩既感覺 令人非常驚喜

巴斯克焦香芝士蛋糕
蛋糕帶點輕微淡焦香 口感是香軟滑溜 綿密細膩
入口即溶 啖啖超濃郁芝士奶香味
沾上芝士醬更覺味美

AI forno Cafe & Bar
銅鑼灣告士打道218號地舖

就此，謝謝喔~
Email: natalie_911999@yahoo.com.hk

留言

張貼留言

熱門文章