◤不過不失既酒樓中菜◢ ‧【❤ 逸月軒】
家中兩老一向喜歡嚐中菜
所以大時大節都會食中菜慶祝
早排同家中長老外出荃灣搵食
見間荃新天地二期呢間逸月軒
座位寬敞舒適 枱與枱之間唔會太密
空間感足夠絕對係零迫夾感
望望餐牌 選擇都不算少
上至套餐下至散叫精美小炒小食都有
因為呢排皮膚敏感 最後捨棄左海鮮餐
選擇左另一個普通二人套餐
足料靚燉湯
是日燉湯係姬松茸蟲草花燉雞
熱烘烘的唔算特別油膩 飲落濃郁鮮味而且零味精
用料足 飲得出是心機靚湯
上湯焗蝦球伊麵
蝦球飽滿 入口帶鮮味而且爽脆彈牙
上湯煮法 醬汁同樣濃稠 味道同樣濃郁好味
但少左芝士焗既膩同滯
伊麵份量十足 兩個人食絕對足夠
風味小炒皇
用料相比出面既豪華
除左蝦干、蝦仁仲有帶子同魷魚鬚
濃郁中帶咸香惹味可口 特別加入藕片
令整碟小炒皇口感更豐富更出眾
鮮菠蘿拔絲咕嚕肉
賣相很是美 不過可惜食落麻麻
我明白師傅是想做到剛熟入口嫩滑既程度
可是出來效果是 肉質不算很嫩口 甚至有部分未熟透
味道亦沒有預期般好 是有點小失望
燒鵝拼叉燒皇
本來點的是脆皮燒鵝皇
可是上枱的變成這樣
燒鵝肉質不算鮮嫩 食落口感亦只算一般
睇落顏色偏向死實 不算是新鮮製吧
叉燒食落腍滑軟身 肉質未算去到嫩滑
不過總比燒鵝好
紫米香芋湯水
煮得棉糯細滑 不過略嫌有點過甜
食左大半碗決定放棄
逸月軒
荃灣楊屋道18號荃新天地2一樓130-133&135號舖
就此，謝謝喔~
Blog link: http://natnataliecc.blogspot.com/
Email: natalie_911999@yahoo.com.hk
留言
張貼留言