◤平價泰菜◢ ‧【❤ 阿來泰式地道風味(旺角)】

最近天氣有點回暖 又是時候搵飯腳食個飯

東南亞菜式永遠吃不膩 皆因菜式選擇多 味道亦多元化
對於喜歡周圍試既我地實在是驚喜

試過不同泰菜既我地 呢日去左旺角呢間 阿來泰式地道風味(旺角)

門口早早就已經排滿人 足以證明阿來好受歡迎






牌菜式選擇不少 有套裝小食仲有招牌小菜...睇到樣樣都好想試
跟飯腳糾結左一陣之後點左例牌海南雞、泰式SUKI海鮮炒粉絲、

小食拼盤以及泰式蒜茸燒大蝦
海南雞賣相吸引 去骨雞肉嫩滑爽口 肉汁豐富而且帶有鮮雞味

沾上特別調製既海南雞醬 味道又大有不同 

醬汁酸中帶微辣 而且帶有蒜香 雞肉頓時生色不少
例牌份量也不算少 兩個女生吃完全足夠有餘
泰式SUKI炒粉絲基本上是必食推介 

粉絲炒得乾身 用上蒜頭以及辣椒調成特色醬汁 味道酸酸地又帶點辣
炒粉絲配以芹菜雞蛋菠菜大蝦以及魷魚墨魚淡菜蜆肉等 不論是賣相又或是口感都非常豐富
食落惹味令人欲罷不能 一口接一口

小食拼盤採用長形竹筒 賣相設計特別 

小食種類多樣有炸春卷、炸魚餅蝦餅以及炸雞翼
跟平日食既春卷有點不一樣 用上粉絲作為餡料 餡料中亦似有薯蓉 口感變得豐富多層次

蝦餅以人手拍打而成既蝦膠做成 爽口彈牙鮮美 配上酥炸外層 香口鬆脆

相反魚餅則顯得有點遜色 魚肉少了點彈牙口感
雞翼有著淡淡牛油香 肉汁豐富嫩滑

泰式蒜茸燒大蝦 即叫即燒 

用上大量香蒜 熱哄哄之餘仲香氣四溢蝦肉新鮮鮮美 
肉質厚實 不過略嫌蒜茸比較硬 不能跟蒜茸一併食顯得有點遺憾

最後飲番杯龍眼冰同柚子蜜中和一下味覺 今餐又完滿結束
整體來說以今時今日既物價來說 阿來實在是價廉物美 性價比高
加上選擇之多 下次大有藉口可以試試其他


阿來泰式地道風味(旺角)
旺角通菜街97號地舖


就此，謝謝喔~
Email: natalie_911999@yahoo.com.hk

留言

張貼留言

熱門文章