◤特色新加坡菜◢ ‧【❤ 海南少爺】

成日聽人地講做唔到同事 反而做成朋友

做同事個陣永遠都食唔到一餐飯 反而大家都離開左個陣就會成日約食飯見面

好幾個月不見 當然要搵間似樣既餐廳 慢慢品嚐慢慢閒談

平日食盡中西日韓台泰越 來點特別試試新加坡菜

名叫海南少爺既新加坡菜館 以海南雞飯為賣點 提供正宗惹味的星馬菜

裝潢帶點中式風格 簡約時尚 別具一格 

快速地點了沙茶牛肋肉米線、印度手拍酥餅配咖哩汁同香脆腐皮卷

未上餐先來品嚐一下小食 香脆魚皮+魚皮花生

魚皮或許已經待上好一段時間 已經不太香酥鬆脆 

雖然味道不錯 亦吃不出油膩感 不過仍覺得有點失色

魚皮花生帶點咸 雖然爽脆可口 不過還是少食為妙

先來手拍酥餅 熱哄哄香氣迫人 

帶點奶油香酥 入口鬆化又帶點紮實

沾上咖哩汁 味道又截然不同 

沙茶牛肋肉米線 本來帶杰身既沙茶醬混合湯米線 味道變得淡口

牛肋肉肥瘦恰到好處 薄身爽滑 

不過略嫌質感太薄 沒有太大咬口 亦未能吃出牛肋肉既肉美

米線內有京蔥 令整碗米線香氣提升

香脆腐皮卷 外皮香脆鬆軟 

脆而不油膩餡料豐富之餘質感多層次 

令人覺得意外是肉餡味道獨特 配合紅蘿蔔咬口更好

今餐遺憾是未能一試肉骨茶椰子雞同海南雞

期望下餐可以試試真手藝

海南少爺

尖沙咀廣東道3-27號海港城海運大廈地下G16號舖

就此，謝謝喔~

Blog link: http://nataliecc.theztyle.com

Email: natalie_911999@yahoo.com.hk

https://www.facebook.com/natalieccdevoyages/