◤平價高質潮式滷味◢ ‧【❤ 潮洲滷】

最近因工作關係 經常走到港島區

通常走到邊就食到邊 尤其是港島區美食特別多

剛好來到灣仔街市附近 未走近已經聞到陣陣滷水香味

原來附近有間專賣滷水食品既潮州滷 有唔少街坊幫襯 都幾受歡迎架

因為屋企人都中意食 所以一次過買左好幾款黎試試

買左滷豆腐、豬耳、鵝腎、鵝掌、腩肉同埋大腸

未打開盒已經聞到陣陣香 滷汁清淡剔透 味道鮮香 吸引非常

店主貼心地比左兩款不同醬汁 仲溫馨提示切忌倒入滷水食物中 要分開沾食

買左六款 師傅分左兩盒包裝 兩盒都塞得滿滿 只需百多元非常抵食

滷豆腐質感札實唔鬆散 外皮鬆化 豆香味濃而且沒有豆渣 細緻入味

豬耳香脆爽口 肉骨分明重點是沒有豬毛 令人食得好安心

鵝腎味香而且爽滑有嚼勁 咬落唔硬 跟坊間既鵝腎不同 

鵝掌肉質嫩口皮薄有膠質 有別於一般滷味既鵝掌比較韌口但有咬口 食落令人回味

滷水腩肉肥瘦適中 肉質軟腍帶彈性但唔油膩 口感鬆化柔軟唔粗糙之餘仲唔痴牙 

切得均勻一致 紋理細緻 色澤佳味道好

大腸爽口軟潤柔滑 而且難得沒有肥膏 實在上佳

總說食物質素高 滷汁味道豐富 而滷物大多已經夠入味 大可不用沾醬汁 

不過沾醬汁就有提鮮作用 味道更濃郁更滋味

潮洲滷

灣仔石水渠街1-13號其發大廈地下8號舗

就此，謝謝喔~

Blog link: http://nataliecc.theztyle.com

Email: natalie_911999@yahoo.com.hk

https://www.facebook.com/natalieccdevoyages/