◤老字號粥店◢ ‧【❤ 新九記粥麵】
難得輕鬆 於是趁機相約好友出外一聚
走過灣仔 依舊人多車多情懷多
老灣仔有句口頭禪：「唔食消夜瞓唔着」
大概是因為有太多美食誘惑 抵制不住
雖然時間尚早 不過走到食店聚多既小街內 還是好想一試究竟
呢間新九記在灣仔可謂歷史悠久 聽聞每個時段都各有捧場客 駱驛不絕
雖然店舖不算大 但裝潢樸實地道 勝在坐得舒服自在 店員服務親切周到
加上食材標明新鮮無味精 單是這點已經值回票價
望望餐牌 多是粥品麵食或一些佐餸小食
如豬手、牛筋腩同豬雜於是著店員介紹好幾款美食
南乳豬手
豬手大件 上枱賣相飽滿完整 唔會骨肉分離 豬毛亦算清得乾淨
燜至腍軟中帶爽彈 食落嫩滑柔軟黏口唔會肥膩
南乳味濃厚 味道剛好入味唔會太咸 骨膠原滿滿
豬雜粥
有齊豬膶、豬心、豬肚、粉腸、豬肉片同豬肉丸
全都選用新鮮材料入饌 處理得非常到位
豬膶非常大塊而且厚身 食落鮮嫩爽脆無渣甘香鬆化 而且亦無異味
豬心爽口 豬肚軟韌 粉腸亦清得乾淨無肥膏 粉中帶嚼勁
豬肉片滑嫩鬆軟 即使已經待上數十分鐘再吃都依舊軟腍
肉丸打得結實 咬落軟彈 帶點肉香回甘 口感豐富實在 吃得出製作用心
粥底煲得綿滑香濃鮮甜 米香十足 入口幼滑細緻
加上天氣有點微冷大風 即使不愛吃粥都忍不住會想多吃幾口
粥灼雞
用上新鮮雞件 以米漿輕灼即成
雞肉入口嫩滑細緻 剛熟程度添上了滑溜 不用太多調味已十分出色
不過店員極力推介沾點店內自家製辣椒醬油
沾上後既雞肉味道的確略有不同 軟滑中帶點辣勁 即時變得惹味開胃
柱候筋腩
牛筋腩鬆軟滑腍 非常入味
味道濃郁帶點鹹香而不膩
咀嚼間還帶著淡淡陳皮甘香 非常特別
其實店內夜晚仲有粥底火鍋供應
當日眼見都已經有數枱在吃 熱烘烘的香氣迫人
難怪回頭客如此多 相信n_cc不久亦會再次回頭
新九記粥麵
灣仔大王東街9號地下
就此，謝謝喔~
Blog link: http://natnataliecc.blogspot.com/
Email: natalie_911999@yahoo.com.hk
留言
張貼留言