◤聚會 聊天之選◢ ‧【❤ 胡爐(尖沙咀)】

香港人喜歡吃火鍋 貪其可以邊吃邊聊 又可以吃得飽飽

不過坊間要吃得飽飽又要高質的 每人最低消費五六百以上

朋友最近就介紹間高質但親民既半自助式火鍋放題

胡爐 位於尖沙咀厚福街H8 假日非常旺場

大概是因為近月推出半自助式放題火鍋 價錢親民但食材不失高質

餐廳裝潢走古典中國風 帶點古色古香感覺

餐廳仲設有獨立房間 私隱度高 非常貼心

任食兩小時包左每人半隻麵包蟹仲有惹味雞煲(或醉鴨煲)

麵包蟹味道一般 食落不算特別鮮甜 不過蟹膏還是挺多的

雞煲味道有點重不過非常惹味 若可以吃點辣來個小辣定必更惹味

雞煲份量都不算少 雞肉唔算好嫩滑不過就頗入味

吃完就可以開始打邊爐

送上既拼盤都非常高質 包括自家製既肉丸及餃子

餃子質素不錯 大粒而且皮薄 餡料豐富 偏重口味 食落滿特別的

肉丸亦相當不俗 賣相以及味道都很不錯 跟街上可買到的不一樣 頗有特色

這次我們因為一些私人原因所以沒有吃牛

餐廳非常貼心將所有轉換成豬 這款黑毛豚肉片吃著頗有驚喜

不單厚薄適中 脂肪分佈平均

雖然未至於入口即溶化 但口感細嫩 質素不俗

還有還有新鮮味美既時令海鮮拼盤 有鮑魚、大蝦、帆立貝及大蜆

鮑魚大大隻 入口爽彈有咬口 大蝦爽口彈牙 帆立貝及大蜆味道鮮甜 

之後就有任點任食火鍋材料 多款蔬菜、麵類及丸類都可以任點

而每人加上$38仲可以任飲汽水及茶飲

食到飽飽都只需要每人三百多 性價比超高

胡爐(尖沙咀)

尖沙咀厚福街8號H8 16樓

就此，謝謝喔~

Blog link: http://natnataliecc.blogspot.com/

Email: natalie_911999@yahoo.com.hk

https://www.facebook.com/natalieccdevoyages/