◤無限時火鍋 無限點任食唔嬲◢ ‧【❤ 為食火鍋公司】

天氣涼涼地 打邊爐就最岩不過
早排經過觀塘附近 咁岩就發現左呢間為食火鍋公司
於是趁假日相約親朋好友黎聚一聚

主打任食雞煲放題 當然唔少得任食火鍋
集港式、西式、日菜式於一身
最平$278起就已經有交易 仲要無限時任食


舖內以簡約設計裝潢 座位寬敞舒適
而且仲設有包廂座位 
店內每個角落都以哥基作主題
可愛度爆燈 岩晒中意打卡既朋友仔

點餐過後會先送上時令燉湯
老少皆宜既姬松茸燉雞湯 鮮味可口 飲完暖烘烘
繼而就是餐前小食 有清新既蟹籽沙律、香濃味美既飽汁雞腳
仲有即叫即炸既唐揚炸雞、炸大腸同蕃薯條
全部都可以任叫任食 食左兩round幫個胃熱身完就開始刺身拼盤
大大盤樣樣都有 好睇亦好食 而且款款都新鮮
雞煲同樣大大煲超多雞肉而且香噴噴
餐廳用上三黃雞 用上特別調製既醬料製作而成
味道香濃之中帶惹味 最好是可以自由選擇辣度
食過雞煲都差不多是時候開動火鍋
湯底有櫻桃鮮茄薯仔、黃金皮蛋芫茜、高湯牛尾或麻辣鍋

海鮮拼盤有蟶子、鮑魚、元貝、鱔片、脆肉鯇、蠔、蜆、鮮蝦
牛肉拼盤有潮汕五花趾、吊龍伴、手切牛頸脊、黃喉、
澳洲封門柳、熊本雪花一口牛、SRF和牛肩胛肉眼芯、SRF和牛三角肉
味道各有不同 香濃不一 任君選擇
任食火鍋配料都有數十款以上 超多選擇




牛丸、餃子水準都不錯 除左肉食當然少不了蔬菜
絕對又係會食到捧腹而回

值得一提是套餐包非酒精類飲品任飲

為食火鍋公司
觀塘創業街15號萬泰利廣場地下C號舖。

就此，謝謝喔~
Email: natalie_911999@yahoo.com.hk

留言

張貼留言

熱門文章