◤新派意大利餐廳 大埔友必食餐廳◢ ‧【❤ Homeland】

講起大埔友必食餐廳 相信呢間Homeland一定榜上有名
餐廳外牆以玩味十足既壁畫以及七彩霓紅燈吸引視線
再以彩色木製枱櫈 美式掛畫作玩味主題
由一班年輕人主理 主打多款創意fusion西餐

打開餐牌望望 先以多圖 色彩繽紛吸引眼球
前菜、意粉飯類、肉類、海鮮、漢堡、pizza等都一應俱全
令人甚感意外是 呢度仲有多款本地手工啤酒 喜歡既當然唔可以錯過

煙三文魚凱撒沙律/廚師精選濃湯
煙三文魚帶鹹香鮮味 搭配清新爽脆沙律菜 健康醒胃
是日精選濃湯係南瓜粟米濃湯 質感濃稠 入口味道濃郁
每一啖都是滿滿南瓜蓉 味道不錯

香濃芝士焗西蘭花
新鮮即製即焗 焗過既西蘭花質感唔硬
舖面既芝士溶化後金黃焦香
沾拌一起吃香濃滋味

黑松露牛肝菌芝士薄餅
風味獨特既黑松露本來搭配什麼都會令人一試難忘
今次配上野菌味道意外地香濃 而且口感豐富濃郁
餅底整得厚薄剛好 烤焗得香脆 值得encore

香煎澳洲安格斯西冷扒配薯菜
牛扒熟度剛好 充滿厚度而且滿有肉感
肉質帶嫩牛味亦非常濃郁
沾配燒汁牛味更顯惹味
伴碟既雜菜亦燒得香口
薯蓉入口即溶 牛油味濃郁 每一口都富有罪惡感

勿忘我Forgot Me Not
入口清淡之中帶點淡淡甘甜花香
飲後心曠神怡

熱情果莫希托(無酒精)
莫希托飲唔少 不過無酒精都係第一次飲
將基底酒換成梳打水 入口清爽解喝 
搭配薄荷葉同樣好飲

餐牌上仲有甜品
依家惠顧甜品可享免費甜品畫碟架
仲會免費贈送一杯汽酒、一張即影即有相同埋Homeland gift card
蛋糕仲免切餅費

Homeland
大埔東昌街2號地舖

就此，謝謝喔~
Email: natalie_911999@yahoo.com.hk

留言

張貼留言

熱門文章