◤新派京川滬菜◢ ‧【❤ 家傳滬曉】
恰巧是小妹生辰 所以久違了的全家外出用膳
帶著兩老 口味來來去去都是中菜
正好去家傳滬曉試一下久違的京川滬菜味道
店內裝修主調以灰色為主
用了不少中式鏤空屏風作為裝飾及間隔 裝潢滿有中國風色彩
配上懷舊傢具餐具 別具格調
家傳滬曉主打新派上海菜 說到底其實就是京川滬菜
望望餐牌 上海菜款式基本上都有 亦有不少素食菜式
飯麵選擇都不少 加上仲有不少點心款式 價錢算是合理價位
若果大夥圍 更有套餐可選 價錢就更相宜
雖然我們只有4個人 是有套餐可點
不過計一計 散叫反而可以挑選更理想既菜式 食得更開心
四喜烤麩
餐前冷盤小食 味道鹹中帶甜
不過入口過於腍軟 欠缺些微口感
小籠包
上枱時熱烘烘 賣相飽滿 包身頗挺身
咬落外皮厚薄適中 湯汁鮮甜豐富濃郁
肉餡尚算嫩滑鬆化 肉香味鮮 口感算不錯
砂鍋雲吞雞(半隻)
一道既可當餸亦可當湯既菜式
打破雞湯一貫又油又濁既觀念 雞湯呈奶白色
濃厚既鮮雞味 鮮甜得來唔覺油膩
湯內既雞足半隻 難得是煲湯雞肉食落唔算太鞋
沾滿雞湯既白菜可謂搶盡整煲風頭 軟腍之餘仲好惹味
配合埋包足料嘅雲吞 蠻不錯
雲腿露筍小木耳炒什菌
蘆筍食落甜甜地又夠淋身 小木耳咬落爽口
什菌口感豐富 香味濃郁 配合帶點咸味既雲腿
鮮味之餘 清淡又健康
鐵板蔥爆牛肉(跟薄餅)
上枱時熱騰騰香氣十足
牛肉軟腍適中 食落牛味濃厚 配合香味一流既京蔥更為惹味
配襯薄餅一拼食又有另一番新口味
上海粗炒
色澤均勻 味道亦相當均勻
麵條咬落煙韌有口感 軟硬剛好
醬汁味道好濃郁 咸中帶著甜味
整體炒得色香俱全 食落唔太油膩 是個不錯的粗炒
家傳滬曉
大埔安邦路8-10號大埔超級城B區2樓201號舖
就此，謝謝喔~
Blog link: http://natnataliecc.blogspot.com/
Email: natalie_911999@yahoo.com.hk
留言
張貼留言