◤無限添食惹味雞煲+高質火鍋◢ ‧【❤ 倫哥尊尚火鍋私房菜】

過了廿四節氣既小雪 天氣終於開始轉冷 有點似冬天
天氣轉冷正好食火鍋 友人誠意推介倫哥尊尚火鍋私房菜


貪其火鍋選擇多 食物新鮮鮮味 湯底少味精 而且價位合理

倫哥尊尚火鍋私房菜主打雞煲火鍋放題
先雞煲再火鍋 雞煲更可以無限添食不另加收費 非常適合熱愛食雞煲人士
雞煲更有不同辣度可選 貼心設計令客人感到窩心

雞煲未開動前 店員會先送上冬菇鮑魚、酸辣雲耳同四季豆
冬菇鮑魚仍是溫熱 味道鮮味炆得入味 質感爽口彈牙 煙韌有咬口
酸辣雲耳同四季豆同樣爽脆帶微辣 作為開胃前菜實為不錯

雞煲上枱賣相不俗 但有別於坊間一上枱就已經係熟左既雞煲
倫哥既雞煲雞件係生的 需要炒4次炒至熟透先可進食
配以大量芫茜及紫洋蔥 邊炒邊聞到麻氣四溢 足以證明香料配料十足
炒好既雞件雞油味香濃 肉質軟腍嫩滑
吸盡香料味道 所以雞肉非常入味惹味 味道偏向重口味 
而且食落件件雞都係啖啖肉 很是滋味

食過雞煲是時候入正題
選了較為溫和下火淡口味既芫茜皮蛋湯底 足料味道鮮味
火鍋套餐會送一碟牛頸脊 是牛味較為濃厚既部份
脂肪分佈平均 雪花紋理清晰 入口細嫩 質感豐腴油香味濃 非常推薦
套餐仲包肥牛同豚肉片 質素算不俗 岩晒喜歡嚐肉既朋友仔
墨魚滑同蝦滑係自家手作製 食落質感彈牙爽口 絕對真材實料
除左牛同豬 點少得海鮮 全都是時令海鮮
有蟹、海蝦、魷魚、蜆、脆肉鯇、帶子、青口、生蠔
生蠔肥美肉滑 帶子味道鮮甜肉厚 海蝦彈牙爽口 青口肉厚鮮味
另設有其他火鍋配料 自助區劃分非常清晰
仲有炸魚皮、響鈴卷 香酥爽脆
飲品方面亦有不少選擇 有汽水、無糖茶類等 選擇亦不算少

最後更附送甜品 為火鍋後滋潤一番
倫哥尊尚火鍋私房菜
佐敦佐敦道26號E 2樓

就此，謝謝喔~
Email: natalie_911999@yahoo.com.hk

留言

張貼留言

熱門文章