◤大排檔價錢 中上質素◢ ‧【❤ 媽子美點】

一向都好喜愛飲茶 貪其坐得舒服又可以坐好久可以閒聊
最近得知原來同事們都同樣喜愛飲茶文化
於是相約去附近聯和墟搵一下食好西

呢間媽子美點前身同樣都是茶居 不過前身是什麼都不礙事
望望四周環境 雖然似足大排檔 不過勝在質素不俗
加上服務員姨姨照顧周到 殷勤有禮 實在沒有不吃既理由

雞扎
小時候跟爸媽上酒樓是必點點心之一
來來去去都是雞肉魚肚冬菇火腿芋頭之類
雖然這碟亦然 不過吃落有種回憶感
是想念小時候跟爸媽一起飲茶既味道
雞肉蒸得唔過火 仍是軟腍細嫩柔滑
最最最精華既腐皮吸盡所以配料既湯汁 更顯得入味好吃

蝦餃
雖然做唔到半透明 皮薄而軟既感覺
不過咬落彈性還是不錯
蝦肉爽口彈牙 配合同樣富彈性既餃皮及湯汁
同樣美味誘人 算是不錯的說

叉燒腸粉
同樣地稱唔上皮薄 不過勝在夠熱
用上半肥瘦叉燒 貪其有油脂可以令腸粉蒸出來更有滑溜
入口是爽滑的 沾上自己喜愛既醬汁別有一番風味

豉汁蒸鳳爪
其實是用豆豉加上豉油混醬蒸成
鳳爪食落油溢味唔算重 肉質香口軟腍 非常滋味

流沙奶皇包
經典既中式點心 熱騰騰上枱
撕開中間還會見到有煙冒出來的
外皮鬆軟柔韌 金黃色既奶黃流心 
流動既奶黃心細細沙沙
鹹蛋黃味超濃郁 味道帶咸香

媽子美點
粉嶺聯和墟和豐街21號舖

就此，謝謝喔~
Email: natalie_911999@yahoo.com.hk

留言

張貼留言

熱門文章