◤性價比高 任食兩小時放題◢ ‧【❤ 極尚大喜屋】
最近心情麻麻 將悲憤化為食量就最好不過
於是相約好友來個久違了的放題放縱
平日行過路過都見到呢間極尚大喜屋
今次選了觀塘分店 交通方便易搵 一出地鐵站就到
舖內環境寬敞 坐得舒服唔迫夾
出入拎取熟食飲品都自在舒適
坐底只需掃QR code
就可以點選心水刺身、燒物鍋物、壽司、串燒甚至特色小吃
場內亦有不少小食前菜沙律熟食炸物海鮮冷盤甚至雪糕甜品
當然亦有無限任飲既冷熱飲品 連酒類都有提供
放題既開端當然就是刺身
三文魚厚切肥美鮮嫩 赤貝同螺帶爽口 口感清爽
仲有甜蝦赤蝦 選擇都不少 可以無限任點任食
而且上菜快落單亦足 點幾多黎幾多
燒物類有牛舌、比目魚、燒菠蘿
牛舌味濃爽脆帶鹹香
比目魚燒得剛好 魚肉食落嫩滑
燒菠蘿滿有驚喜 不單清甜好味 仲好醒胃
芝麻雞翼入口香脆 味道濃郁
仲有天婦羅 有大大隻爽脆炸蝦 香甜軟糯既迷你小紫薯
入口好有口感既蟹棒同香脆南瓜片
粉絲蒸扇貝 入口帶鹹香
蝦多士帶脆之中鬆化唔油膩
仲有香噴噴炒饍球、一口牛、榴槤奶球
絕對滿足晒大胃王既口腹之慾
放題既尾聲 點少不了甜品時間
場內既甜品 種類可真不少
雪糕、小件蛋糕、小杯慕絲、泡芙仲有豆腐花
仲有人見人愛既Häagen-Dazs 仲要有四款口味任君選擇
小杯甜點精緻可愛 小切件蛋糕一口一件 而且甜度不算太高
絕對又會食到捧腹離開既一晚
極尚大喜屋
觀塘開源道79號鱷魚恤中心3樓
就此，謝謝喔~
Blog link: http://natnataliecc.blogspot.com/
Email: natalie_911999@yahoo.com.hk
留言
張貼留言