◤平民地道風味◢ ‧【❤ 貴緣小鍋米線】
假日都喜歡四圍外出搵食
尤其是疫情減退 生活都開始步入正常
一向都喜愛吃米線 不過新界區始終選擇不多
網遊搵到呢間貴緣小鍋米線
係紅磡區內好出名 是人氣米線小店
由門面到舖內裝潢都是好普通唔起眼
不過就是堅持逐碗煮 就令其成為區內回頭客最多既米線小店
以掃QR code落單
望望菜單 湯底共四款可選 而配料有四十多款
米線本身煮得剛好 軟綿之中帶爽口
連湯煮既米線好入味亦好夠味
豬紅軟腍無腥味 冬菇煮得腍滑軟身 食落仲好入味但又唔會太咸
蕃茄湯底味道好鮮甜 濃郁之中帶酸 味道層次好豐富
喜歡嚐辣既仲可以揀辣度
另一碗點了豬軟骨、貢丸雞絲加酸菜配豬骨濃湯
豬軟骨煮得腍軟 但入口彈牙有嚼勁
雞絲相對比較乾身 沾上湯汁變得惹味
酸菜是正宗雲南口味 入口酸酸地但帶咸香 用來配襯米線好夾
但配合微辣既蒜泥 不單提升美味刺激性
令雞絲添上獨特既風味
豬肚份量不少 質感爽彈有口感 食落無異味
意想不到同榨菜咁夾
貴緣小鍋米線
紅磡崇潔街20號地舖
就此,謝謝喔~
Blog link: http://natnataliecc.blogspot.com/
Email: natalie_911999@yahoo.com.hk
留言
張貼留言