◤親民新派懷舊冰室◢ ‧【❤ 南山冰室】


走到久違了的銅鑼灣街上
難得是人流不算特別多
很多舊有面孔不見 取而代之是不少新力軍


近年以冰室掛帥既餐廳愈開愈多
走到利園新會道附近 見到呢間南山冰室

一見到冰室 大概會以為是舊式茶記
不過走到內裡就發現零懷舊元素
反而是走向新式摩登設計 跟一般茶記一樣
座位間都不算寬闊 不過仍未至於手肘碰手肘...

又是時候望望餐牌 好有一貫茶記風格 正正一大張餐牌印晌枱上
主打創新星馬風味菜及港式傳統茶記美食


早餐、常餐、下午茶餐、星馬咖喱、焗飯、喇沙、亞洲風味、
燒味、三文治、小食、飲品、特飲……
美食盡入眼簾 就連甜品都有 果然應有盡有

厚切豬扒喇沙
湯底是由蝦殼、豬骨、乾葱、蒜、辣椒熬成
仲加入炒香馬拉盞及本地蝦米
味道甘香而帶有椰香微辣既喇沙湯底
濃郁鮮味 惹味開胃 香味層次豐富
做得貼合本地大眾口味 但不失喇沙之神髓
麵底係混合油麵同米粉既傳統「摻摻」 口感獨特又有咬口
配以適當分量海鮮 仲有塊厚切鮮炸豬扒
豬扒炸得外乾內軟 所以咬落酥脆鬆軟可口
內裡仍保存豐富肉汁 肉質嫩滑 味道非常一流


蕃茄濃湯出前一丁配香煎豬扒
蕃茄湯底鮮紅濃稠 質感非常厚身 感覺似在飲濃湯一樣


味道濃郁 酸甜適中 不過有點小可惜是蕃茄味不算好突出 亦略嫌欠缺了點蕃茄蓉
所以味道層次有點欠奉
出前一丁麵質本來偏腍 不過食落腍中帶點爽韌
而且食落沒有油膉味 算不錯
豬扒同樣厚身大塊 雖然是香煎 少了酥脆質感
不過肉質一樣嫩滑 軟腍鬆化

咖央肉鬆厚多士
帶點鹹香既肉鬆配以帶椰香香甜味既咖央醬
味道出奇地夾 亦毫無違和感 
配合地道厚切香脆多士 不論是作為下午茶點 又或是飯前/後佐飯點都非常一流
不過略嫌肉鬆味太濃 突顯不了咖央味道
滋味無比 令人回味無窮
最後來一杯凍檸檬利賓納同熱黑糖薑母茶
又食到飽飽捧著肚子離開

南山冰室
銅鑼灣新會道2號地舖


就此，謝謝喔~
Email: natalie_911999@yahoo.com.hk

留言

張貼留言

熱門文章