◤工廈隱世火鍋店◢ ‧【❤ 相馬日式火鍋 (荔枝角)】
又又又是跟鄰居每月一聚既飯局時候
因為臨近新年當然要聚一聚食個團年飯
所以呢個1月來特別一點
舊同事介紹剛好香工附近就有工廈既餐廳有火鍋任食放題
位置其實頗方便 一出地鐵站就已經差不多是
門口餐廳環境闊落開揚 座位坐得舒適自在 而且仲有少量卡位
相馬主打火鍋放題 晚市火鍋任飲任食
淨湯底就已經有好幾款可揀 包括清湯、甜豉油、蕃茄、豚骨、中華辣湯、泡菜
牛腸湯、牛乳仲有荔枝角分店限定既豆乳湯
另外仲有數款期間限定既湯底供應
我倆就點了分店限定既豆乳湯拼上蕃茄湯底
味道一濃一淡 豐富有層次
而且湯底並不是味精湯 至少食飽飽後都沒有感到喉嚨不適
火鍋放題可選不同等級同價錢既牛肉及豚肉
除左牛肉同豚肉 仲有海鮮拼盤 質素都不俗
餐廳附設火鍋配料自助區
有大量丸類、蔬菜類、麵食、飲品、雪糕等 貼心地分門別類
飲品都係任飲任拎 除左冰凍汽水果汁
仲有熱茶可供選擇 可以自行調配不同口味養生茶
牛肉是牛肩胛部位
色澤紅潤 意外地入口鮮味嫩滑 牛味香濃脂肪唔多 不過肉質仍然軟腍
去骨雞件大件而且厚身 入口嫩滑 不過要注意控制火喉
豚肉切得不算太薄身 食落沒有好重既豬腥味 豬肉味甚濃
海鮮拼盤
有好幾款海蝦、蠔、螺、蜆、青口、帶子同蟹柳
海蝦頗大隻 食落彈牙爽口 意外驚喜是當中有蝦膏亦有蝦籽
就是略嫌當中有些不算新鮮
螺肉都頗大而且厚身 食落有咬口
青口鮮味 帶子肉質爽滑 蜆肉大隻飽滿味道鮮甜
除左自助火鍋配料可以任拎任食
仲有串燒炸物可以即點即燒 同樣無限任食
款式選擇都不少 味道可以挑醬燒或是鹽燒 兩者都不會死鹹
清了枱面都已經飽飽 未完 仲有甜品雪糕作尾
雪糕係採用100%北海道牛乳既milktop
奶味香濃 不過當日所見已經差不多見底了 想吃就要出力刮一下
吃過豐盛團年飯 又要捧著肚子離開了
相馬日式火鍋 (荔枝角)
荔枝角長義街10號昌隆工業大廈1樓B-C舖
就此，謝謝喔~
Blog link: http://natnataliecc.blogspot.com/
Email: natalie_911999@yahoo.com.hk
留言
張貼留言